لو الشعر ما تكتبش

 

 بقلم الأستاذ // عادل إمام

لو الشعر ما تكتبش
ليكي يتكتب لمين
لو الليل مسهرش
ليكي يسهر لمين
لو القمر ما نورش
بيكي ينور بمين
لو الفجر ما شقشقش
ليكي يشقشق لمين
لو الشمس ما طلعتش
ليكي تطلع لمين
لو الربيع ما فرحش
بيكي يفرح بمين
لو الطيور ما غنتش
ليكي تغني لمين
لو الزهور ما فتحتش
ليكي تفتح لمين
لو العنين ما يشفوكي
يبقي ايه لازمتها العنين
لو الأيدين ما لمستش
ايديكي تبقي ياحبيبتي
مش ايدين
لو رجلي مارحتش
ليكي تبقي عايزة عكازين
لو الشفايف ما قلتش
اسمك تبقي الشفايف
كدابين
لو القلب ما قدقش
ليكي أومال يدق لمين
لو الحب ماتخلقش
ليكي يتخلق لمين
يا حبيبتي انا كلي ليكي
و الحب والشوق والحنين
ده انا كل ما أقول بحبك
قلبي يسجد و يقول امين
عادل امام