اجرح دانت جرحك حلو

 الشاعر مجدي احمد محمد/يكتب

............. 

 

اجرح دانت جرحك حلو
اسرح دانت خيالك حلو
مانا عارف اصلا ياحلو
انت بتفكر في مييييين

شوفت امبارح صوره ليها
شوفت كام تعليق عليها
بس تعليقك ياحلو
قاللي انت عشقت مييييين
انت فاهم إني حازعل
او اغير وارجعلك اسال
لأ دا يبقي الحلم اسهل
وح تفضل تحلم كتييير
مش لما إنت تبقي تسال
وترجع ليا الحنين
عاوز ترجع ياللا نرجع
قوم وافتحلي اي باب
نرجع بس بشرط حبيبي
من غير ما نقدم اسباب
وانت حبيبي تبطل تعند
وترد سؤالي بجواب
انت بتعاند ف نفسك
وللا بتعاند في مين؟
ما انا عارف اصلا ياحلو
انت بتفكر في مييييين
بقلمي \ شاعر العشاق
............
مجدي احمد محمد
اسكندريه.. مصر