صباح المطر
عبد الحليم الزلوعي/يكتب.............
صباح المطر
ريشــة الفنان يا عاجزه تصوري
وقال لسه جايه تفكري وتدوري
علــــى الالـــــوان....... ومدلولها
وايــــة منها........... يجيب لونها
وفــاكــرة اللحظه فـــى سكونها
علي مهلك بترسمها....... تلونها
وهي لحظه مسكونه... ومجنونه
دي ضلمة صبح ماتشقشق ومخزونه
دي لحظة شمس........ وها تصحي
وكسلانه..... وتعبانه ناقصها النوم
بتتاوب....وتتمطع وعاوزه تقوم
ومش قادره........... وبرد.. اليوم
يكورها..يحورها......... وبترقفص
بتحلم حلم صباحي.. تكمل نوم
ولسعة برد..جايه تجري توشوشها
حسي الثلج يا شاطره وكملي نوم
دي مطره جايه.... شيلاني وبعتاني
عشان خاطرك تقولك......انها.. جايه
وكان خوفها....... عليكي... محموم
تقولك جهزي نفسك. وهاتي هدوم
وتبقي الشمس محمومه وفي همومها
وشيئ م الخوف يأنبها يضيع يومها
تقوم مفزوعه.... بتجرجر كده هدومها
تحس الثلج في ايديها.... يضيع نومها
وبتفتح لنا عنيها ونلقي شعاعها بيقرب
ضباب يضربها وما بنحس...... بقدومها
سحابة تجر في سحابه ونلقي الكون
صبح غابه واصوات الوحوش بجنون
تدك الارض وتزلزل...... في اركانها
شعاع الشمس بيصرخ وصار مسجون
تلمه الشمس...... و تداري في احزانها
واصوات الوحوش تعلي وبعد سكون
نلاقي الصبح صار عتمه وكله ضباب
سيول جايه مع الميه شايلها سحاب
يضيع الصبح فين هو ومين مسئول
وصوت البرق بيفرقع كأنه.. خراب
جيوش الميه وبتهجم ما ليها حلول
عشان الشمس يوم غابت بقينا سراب
وتبقي الدنيا في عيونا مهش هي
في ركن بعيد مزويه.... ومنسيه
وعتمة صبح مانشوفها ومخنوقه
يا صرخة خوف منحوته...... ومحميه
وتايهة الشمس في دروبها ومزنوقه
عشان الشمس يوم...خافت من الميه
اشعار عبد الحليم الزلوعي
ليست هناك تعليقات