خجل العجب م العجب

 

بقلم الأستاذ // إبراهيم بدر عبد الله

خجل العجب م العجب
صار السكوت من دهب
حتى الخجل مرتجل
خجل الخجل....مني
أصل الحياء اترعب
وبرعبه........جنني
لما الدهاء يوم وجب
العقل مني اتنهب
وجنوني......حايلني
وزرعت شوك ف الأدب
أنا شعري طار مني
وبقول قصيدة عنب
وما كنت.. متهني
مستني علاوة عقيمة
وماليها يابا قيمة
مستني اروح السيما
ولا أنا اركب عجل
واركب بيها مراجيح
أنا شغلي ماله شحيح
وانا يابا ليه غلبان؟!
ولا كنت يوم شبيح
والغلب مني اتقتل
تعب التعب م التعب
وب إيه يفيد العجب
أصل التعب كان شغب
قلبي عليه لم صعب
وبكيت على فني ...!

ابراهيم بدر عبدالله