بياعين

 

بقلم الأستاذ // رضا أبو حسين

بياعين

رمينا قلوبنا ف ايدين ناس
ماتستاهل
يبيعوا الحب والاخلاص
كما التاجر
و١٠٠ مره اقول هابعد
عن الخاينين
ده انا وقلبي تعبنا خلاص
ومش قادر

وبنقابل
وبنقابل قلوب ياما
باعت عشره بقالها سنين
اقول تابوا ونسقيهم
انا وقلبي امان وحنين
اتاااااريهم
طباعهم لسه غالباهم
سموم الغدر دي بتجري
بدال الدم ف الشرايين
تعالى ياقلبي نتعاهد
هاننساهم مانستناش
جراحنا مش ظروف فايته
دي هي حياتنا ... وهاتتعاش
ومهما تعبت ف السكه
لازم تسكت
عشان الذنب ده ذنبك
لازم تسكت
هاترمي العيبه ع القسمه
كفاية .. بلاش
ده اصل العيبه ان احنا
امنا للي باعونا
وخانونا
و مافهمناش
امنا للي باعونا
وخانونا
ومافهمناش