هو و هى

 

بقلم الأستاذ // طارق السيد

هو و هى
هو..... ياحلو ياللي بتغيب تملي
ولما ترجع تقول ياخِلي
لو كنت خِلك ونور داخِلك
أو حتى ضِلك.. ماتغيبش عني
ياللي إنت شمسي اليوم وأمسي
إسمع لهمسي وتعالى ياللا
هى ... لأني شمسك أغيب براحتي
أسمع لهمسك أعود لوحدي
إستنى حبة أنا هستخبى
يمكن فى فلبك أزيد محبة
هو ... ياحلو مالك ليه تسوق دلالك
شغلت بالي وريحت بالك
ياسيدي هِل ياروحي طل
تعالى مسي ليليتنا فل
ليلتك جميلة يابو عين كحيلة
ياللي انت وردة جوه الخميلة
هي .. عينيا ليك أنا روحي فيك
أنا بس قلت أتقل عليك
أنا أصلي نِغشه أحب المناغشة
واحب أضحك وقت المناقشة
يانن عيني لما تناديني
غمض وفتح كده هتلاقيني
ماأستغنى عنك ولو دقيقة
أنا أصلي عاشقة ودي الحقيقة
بقلم طارق السيد