.... حكايه ناس ...

 فتحي وجيه  // يكتب

.... حكايه ناس ...
ياام هنادي نفسي في ولد . ياست البيت ..
بعد اربع بنات خلاص . انا مليت ..
البسه الجلابيه واوضيه بعد مااتوضيت ..
اخده في ايدي واصلي الجمعه . لرب البيت ..
نروح الجامع واقوله . يامحمد صلي .
يقولي . يا ابوي انا صليت ..
اخده معايا الارض وازرع واقعده .
تحت شجره في وسط الغيط ..
ياام هنادي خلاص . الشعر مني شاب ..
ونفسي في ولد يسندني .
في زمن كله عذاب ..
ويوم فرح خواته .يقابل المعازيم .
يجامل ويضحك مع كل م المعازيم ..
يا ام هنادي دا خلاص الشعر مني شاب ..
.............
ياابو البنات . قدر علينا ومكتوب ..
غير البنات ما يرزق . وده عنده محسوب ..
دا رزقهم واسع . وهو بيهم كفيل ..
وهيكونوا باحسن حال . وربي عليهم وكيل ..
دي مهندسه . ودي محاميه . اما وفاء
ياعيني عليها . دكتوره تداوي العليل ..
ياابو البنات . خدهم وصلي امام بيهم ..
هم طريقك للجنه . بس انت راعيهم ..
وادعي رب الكون . يسترها عليهم ..
يارب انت القادر . يارب احميهم ..
يارب احميهم
يارب احميهم
يارب احميهم
فتحي وجيه