إلى أمي

 

 بقلم الأستاذ //أحمد جمعة

وأعشق عمري لأني اذا مت ، اخجل من دمع امي " محمود درويش

الي امي ❤ عاميه

الي العشق اللي ما بيختل
ولا حتي ف يوم بنقص
الي الباقيه علي حبي
وجوا القلب ساكنه سنين
وكل ما فيا لييه تلمس
الي الباقيه ف عز آلامي وف وجعي
يشوفها القلب وف لحظه يقوم يرقص

❤ انا عاشقك انا مفتون
كفايه اكتبلك انتي وبس
قصيده بحجم كل الكون
واقول مجنون
واقول اشتقت
يا عشق كبير
مبخلصشي بمرور الوقت
يا فرض عليا وعباده
وانا مآامن وبيه صدقت
يا شهد مصفي م الجنه
ومنه انا دوقت
يا قلب كبير وبيه اتعلقت
يا حضن جميل يريحيني
ف وقت التوهه بيساعني
بلهفه وشوق بيحضني
يشيل كل الوجع مني
يزيح الهم والديقه
يا امي يا ساكنه ف ضلوعي
يا بسمه بريئه وصديقه
انا بوعد ما اسيب ولا اغيب
عشان واحده ف يوم تيجي وتسكن قلبي لدقيقه
يا ساكنه كل احلامي
يا ماحيه كل اوهامي
يا باقيه ف عز سُهد الليل
يا طب لوجعي والامي
يا اجمل بنت موجوده
علي كوكب مفيهش جمال
يا اجمل نص شعر اتقال ‫#‏كتبته_بقلبي‬ يوم ليكي
بحبك ايوه اموت فيكي
واحبك للجنون والموت
وخايف اني لحظه اموت
عشان دمعك مينزلشي
ويوجع قلبك الطاهر ‫#‏فسامحيني_عشان‬ حابك وبزياده
وعمر كلامي ما هيبقي ف يوم عاده
لان الشعر من غيرك
بيبقي ممل يا عمري وطعمه بيتقلب ساده .
يتبع ........
نص لا ينتهي الا بانتهاء الحياه
بحبك حب لا بيخلص ولا حتي بيتغير ❤ ‫#‏أحمد_جمعه‬