رسمتك فوق حروف من نور

 بقلم / هناء غنيم

رسمتك فوق حروف من نور
وصورتك فراش مبدور
ولما ابعد بعيد عنك
احس انى بلف وبدور
جوه حلقه م النسيان
ونار قلبى بقت بركان
وبير م الحزن يروينى
كأني أرض عادمه وبور
كتمت الاهه جوايا
عملتك صُحبه ومرايا
بحس كلامى ف كلامك
واحسك عايشه جوايا
عملت م الصور ألبوم
بتجمعنا انا وانتى
ومهما يزيد عليا اللوم
هاتفضلى حبى وحبيبتى
يانور العين انا ليكى
بلاقى وجودى ف عنيكى
بخاف على قلبك الطاهر
بخاف م النسمه انا عليكى
وانتى ف عينى بدر بدور
........................................
بقلم / هناء غنيم