لو رسمت ليا صورة بقلم اميرة مجدي
لو رسمت ليا صورة
بقلم اميرة مجدي
لو رسمت ليا صورة
في خيالك يا حبيبي
كنت راسمة ألف صورة
تحكي عنك يا حبيبي
صورة تحكي ليا فرحك
لما تتلاقي بعيوني
وصورة تنطق لي بحبك
لما تقعد وتحاكيني
وصورة تلمع فيها عينك
لما تتفحص ملامحي
وصورة تملأ الفرحة وشك
لما بتشاركني فرحي
وصورة تمد فيها ايدك
تمسح الدمع في عيوني
وصورة ينزل فيها دمعك
لما بيملاني انيني
وصورة اشوفك فيها طفل
لما تجري وتناديني
تترمي ما بين أيديا
وتقولي ابقي ولا تسيبني
وصورة اشوفك فيها راجل
في الشدايد تبقي جنبي
تحمي قلبي وتحمي عمري
وتكون هنا كل حبايبي
وصورة اشوفك فيها عاشق
ويحلي عمري بضمتك
وصورة اشوفك فيها فارس
تبهرلي عيني بجراتك
وصورة لك بالف صورة
تحكي وتروي قصتك
واعيش معاك في كل صورة
وادوب القلب في هواك
واحلم بيوم تجمعنا صورة
تجسد الأيام معاك
ليست هناك تعليقات