مصرك هى أصلك

 بقلم // الشاعر طارق السيد

مصرك هى أصلك
مصرك هى أصلك
فى عشك أو فى قصرك
إجرى عليها وإمسك إديها
عدي بيها من كل صعب
هى إللي ربت هى إللي حبت
هى إللي علت فى يوم ماكلت
تاريخك يامصر أصل الحكاوي
على شط النيل غازلينه غناوي
فيكي الحضارة كانت منارة فى عز الغيوم
كنا السفينة وكنتي الفنار إن تهنا يوم
وأنا عاشق عبيرك فى زهور ربيعك
وهرمك ونيلك وقمرك فى ليلك
ايه إللي صابك وعكر ترابك
ياللي الأصاله سايرة فى ركابك
مين ياترى عليكي ساب كل الكلاب
مين بإيده بيرسمك لون الضباب
بامصر والله شعبك أصيل
واقف وصامد زى النخيل
صادد ورادد مكر الدخيل
راصد وقاصد رد الجميل
وانا المصري وليدك وهفضل رضيعك
وضد الفطام وفى إيدي اللجام
ورافض لخيلك يدوس نخيلك
ونخيلك تملي باصص لفوق
حامي حماكي من كل سوء
يارب يافالق الحب والنوى
ياخالق الداء ومعاه الدوا
تحفظ لينا مصرنا
من كل عدو متربصلنا
أو فتنة دايرة على أرضنا
شيطانها شاطر من ضعفنا
أو عندنا أو حتى يمكن من جهلنا
بقلم طارق السيد