هات ايدك حطها علي قلبي

ناصر توفيق/يكتب...........

واقرا وشوف دقاته

اسأله بيقول أيه؟

ها يقولك انت وبس حياته

انت الفرحة اللي بترويه

واسمك تهمس بيه نبضاته

لما عيونك تيجي في عيوني

انسي الدنيا لما تجيني

وتبقي الدنيا بحر عينيك

واحضن شوقي بلمس اديك

ايوه بحبك وبموت فيك

اوعي تبعد تاني عن قلبي

ياما قلبي كان يناديك

وتغني شفايفي باسمك

وتدندن علشان تلاقيك

اشوفك جي من بعيد

نظرات الشوق في عنيا تلاغيك

وتقول لك خليك جنبي

اياك تبعد خليك

من غيرك هي الدنيا ليها معنى

ازاي الدنيا ها تسمعنا

غير وانا بكتب لحن الشوق

في عنيك

اياك تاني تغيب عني

اياك تبعد انا مستنيك..

بقلم /ناصر توفيق

الشائعة