أكتب ودمع ياقلم
عبدالواحد محمد/يكتب.........
أكتب ودمع ياقلم
عن مذبحه مركب رشيد
رجاء تدعو لهم بالرحمه
,,,,,,,,,,,,,,,,,,,,,,,,
أكتب ودمع ياقلم
على اللى أكله الموج
وعمره راح من غير تمن
أكتب ودمع ياقلم
عن مذبحه أحداث رشيد
كل الضحايا شباب عنيد
راحو على الموت بالصدور
قطفو الزهور وتركو
لينا الأرض بور
أكتب ودمع يا قلم
وأحكى وقول مين محمد
وابراهيم ولا سعاد وبسمه
وحزنهم مالى العيون
أكتب ودمع يا قلم
وقول يا صبحى نشلت كام
كام جثه ولدتها السفينه
ولا لقيو قشه تكون نجاه
أكتب ودمع يا قلم
وأحكى عن الشاب اللى عافر
هوه ورفيقه كام مره
هانت روحه عليه
أكتب ودمع ياقلم
بس جاوب ع السؤال
مين السبب ف المذبحه
ويستاهل أيه
قول ياقلم
قبل ما تجف الدموع
مين اللى ظالم
واللى أنظلم
أكتب ودمع ياقلم
على أب شاف القهر
ولطم الخدود
على أم متزلل فؤادها
علشان ضناها وظلها
على أخ مخروس السان
بيشوف ونيسه فالكفن
وناس بتندب حظها
أكتب ودمع ياقلم
على وطن هاجر ولاده
وسايبهم تنقتل
أكتب ودمع ياقلم
فين محنتى فين بلوتى
أجيب رغيف يسد جوعى
ولا أجيب لأبنى أمل
ولا أنكب على قلبى يحزن
وكل يوم أشوف
ولد من ولادى بالكفن
أكتب ودمع ياقلم
,,,,,,,,,,,,,,,,,,,,,,
كلمات عبده الفاجومى
الشاعر \ عبدالواحد محمد
موثقه بتاريخ 2\10\2016
ليست هناك تعليقات