وعــد منــى

سماء بلا غيوم / تكتب

....................

 
وعد منى هاعيش عشانك
بس خليك يوم عشانى
من سنين وانا قافله قلبى
وما فتحتوش حتى لثوانى
بس لما عرفت قلبك
ابتديت اعشق زمانى
وعد منى
وعد منى افضل عشانك
مهما عاندتنى الظروف
هانسى ماضى فات وعدا
واشطب على كل الحروف
واتحدى العالم ده كله
وانسى جمبك اى خوف
وعد منى
وعد منى تلاقى قلبى
ف كل لحظه يخاف عليك
مهما تبعدنا الليالى
قلبى مش هايكون ناسيك
مهما عاندتنا الامانى
نبض قلبى هاينديك
وعد منى
وعد منى تلاقى حبك
اسطوره لكل الزمان
هامحى بيها عمر عيشته
هامحى بوجودها اللى كان
وابنى جسر لحبك انت
بالمحبه والحنان
وعد منى
وعد منى اصون غيابك

مهما دوبنا الانين

ويجرى قلبى يدق بابك
لما يغلبنى الحنين
وانى جيت علشان اقولك
وعد منى ف كلمتين
وعد منى

................

بقلم / سماء بلا غيوم