حد السيف

 هناء غنيم// تكتب ................

.........حد السيف......
حد السيف
بتعاملينى كان انا ضيف
نفسى اقولك كلمه تعالى
انا لا هاكون ابدا يوم عاشق
ولا يمكن ان ابقى وليف
حد السيف
حد السيف اللى مجمعنا
بحروف ليها نغم يوجعنا
بس لا ليها شبه ولا معنى
ذى ربيع جه ف قلب خريف
حد السيف
بحد السيف بكتب اشعارى
واوصف خطواتى ف مشوارى
ومش رح اخبى عليكى وادارى
لسه انا قلبى نبضه ضعيف
حد السيف
قلبى خلاص قرب يتعلم
يصرخ يصرخ وما يتكلم
ويقول ان هواكى ده عدا
ذى النسمه ف ليله صيف
حد السيف
انا مش هانسى جمال لياليكى
ولا لهفه لمحتها ف عنيكى
اصل انا خايف بردو عليكى
قلبك اصله رقيق وضعيف
حد السيف
بحد السيف جمعت اوراقى
وبكتب فيها ان انا مش باقى
وكل ما تنده يوم اشواقى
رح اموتها بحد السيف
.....................................
بقلم / هناء غنيم