.. ( رساله من شهيد ) ..

 فتحي وجيه ..يكتب .......

.. ( رساله من شهيد ) ..

امي العزيزه . امي الغاليه .
... مصر .....
بهديكي الف سلام . الف تحيه .
في يوم عيدك . يوم النصر ..
وبطمنك . انا هنا في جنه ربنا .
عايش في اكبر قصر ..
من يوم ما عبرنا القناه .
وحطمنا اسطوره الجسر ..
لما قالوا عندنا بارليف .
قلنا . عندنا في الجنه قصر ..
حملنا روحنا علي كفوفنا .
وصلينا ظهر وعصر ..
وصايمين لربنا القدير .
وطلبنا منه النصر ..
ونزلنا شط القناه .
والميه صبحت نار .
وبعزيمه وباصرار .
قلبنا الدنيا دمار ..
وقبل ربنا دعوانا .
ومنحنا بفضله النصر ..
ما احنا دعوناه يا امي .
في صلاتنا ظهر وعصر ..
........ ............
امي الغاليه . العاليه .
لو الف روح فوق روحي .
امنحها فدا ترابك .
ومهما تطلبي يا امي .
انا باردو خدامك ..
كل شبر من ارضك .
فداه ارواح ملايين ..
ولا يوم اشوف دمعه علي خدك .
ولا يوم قلبك يبقي حزين ..
انا مش وحدي انت معشوقتي .
دا بيعشقوكي ملايييين ..
ولو يوم بطرف عيونك شاورتي .
يموتوا فداكي فرحانيين .
يموتوا فداكي فرحانيين ..
فتحي وجيه ..
في . 6/10/2015