على خطى صلاح جاهين

 الشاعرة شيرين قزامل// تكتب .....

((( على خطى صلاح جاهين )))
بقلم الشاعرة شيرين قزامل
...............................................

سنين وعايشه في انتظار ....
استنى يوم يطلع نهار ....
بفجر يضحك مش حزين .....
هم الاحبه راحوا فين ....
رد وقول يا قطر قول ......
اخدت عمري ورحت فين ......
دا انا لسه في عمر الزهور ........
والشيب ملاني من سنين ....
...............................................

يا عم جاهين خلاص كفايه .....
انت عارف اصل الحكاية ....
كلامك عندي زي المرايا ......
ابص فيها الاقي نفسي ....
مرة اضحك مرة أحزن .....
مرة أرسم حلمي الجميل .....
مرة انقم على السنين .....
يعني كل التفاصيل .....
.....................................................
في ارض بلدي من سنين .....
كانوا اهلي الطيبين ....
على جسر أرض متجمعين .....
وقت العصاري ومبسوطين .......
اخر همومهم قوت ولادهم .....
ليوم واحد مش سنين .....
......................................................
سنين العمر دي سفينة ......
ترمينا في بحور من غير مينا .....
وربنا عالم خطاوينا .....
يا ترى فين هترسينا ......
يا سنين .. العمر بيعدي .....
والموج بيجيب وبيودي ......
وانا نفسي احط على أرضي .....
وفي اخر الرحلة الاقي شطي ......
بقلم
شيرين قزامل (( مصر ))