عشان نقدر نعيش
ناصر عبد المقصود
عشان نقدر نعيش لازم
ندارى الحزن جـــــوانا
ووقت الهــــــم نتنازل
ونطلب منــــــه ينسانا
أنا موافق أعيش لكـن
تعيش الفرحـــــة ويانا
وبعـــــــــــــــــد سنين
لقيت فيكِ الأمـل تانى
بيضحك جوا وجدانى
ندانى والله صحـــانى
وفرحة حبى وخـــدانا
وراسم فى الهوى صورتك
وحاكى للنجــوم سيرتك
وحاسس إنى لو شوفتك
طيور الدنيا عـــــــرفانا
أنا سامع هناك عصافير
بتتغنى بلحـــــــن جميل
كلام قلته معــاك بالليل
أتـــارى طيورنا سمعانا
وحبى ليك صبح مــوال
بيتغنى فى كل مجـــــال
بعادك عنى والله محـال
وكلمة حب ملكــــــــانا
عشان نقدر نعيش لازم
ندارى الحزن جـــــوانا
ووقت الهــــــم نتنازل
ونطلب منــــــه ينسانا
ليست هناك تعليقات