كنت فاكرك زيي منها

معوض حلمي /يكتب............

:: كنت فاكرك زيي منها ::

يابن بلدي .. 

ليه مصمم ع الخيانة 

ليه تبيعها ...

ليه تخليني أعاني ... 

كنت فاكرك زيي منها ... 

كنت فاكرك طرح نيلها ... 

فجأة شوفتك حد تاني ... 

حد كاره لون سمارها ... 

حد مستني الإشارة ... 

وبمهارة يبيع ترابها ... 

حد مفتحش الكتاب ... 

حس بيها وعاش عذابها ... 

والأمهات بدموع عنيها ... 

وضت ولادها للجهاد ... 

والنيل بيجري ف البلاد ... 

شايل معاه حلم الولاد ... 

يروي الأراضي والعباد ... 

تطرح فرح تطرح غناوي ... 

ويجي الولد بالفرح ناوي ... 

يكتب كتاب ست البنات ... 

والزرع دايما خيره وافي ... 

جاي حصاده في الميعاد ... 

واللي زاد حيرتي وناري ... 

إنتوا ليه زايدين عناد ... 

هتوصلونا لحد فين ... 

قطعتوا ليه حبل الوداد ... 

عايشين مابينا خوانين ... 

كدابين والكدب زاد ...

كارهينها ليه ومفرقين ... 

ورضعتوا الأسى 

من صدر مين .... 

ومصر دين طهر وعباده 

ف قلوب ولادها الطيبيين ... 

ومصر دين طهر وعباده 

ف قلوب ولادها الطيبيين ... 

~~~~~~~~~~~~~~~

بقلمي .. 

معوض حلمي 

منشأة بطاش 

تمي الأمديد 

دقهلية