الشبكة سقطت
ابراهيم الفيراوي/يكتب............
***الشبكة سقطت***
ايوه حبيبتي
انتي ف سنيني احتلال
حجاج يقطع ف اللاآت
وربيع بيقلع بهجته
بسيوف سكات
وب الهوي
اللي شاددني يمك
اجري ..... اضمك
وتعيشيني
لما ب افطر
فول وبصله
وبصه منك
وبسمة تحضن ب الفرح
نسمة تلاعب طرحتك
تكشف ف حسنك للفضا
يطرح غنا جوه المكان
و ف المسا
بتوزعي ع المداحين
ينسون وشاي
وبخور ف طلة حضرتك
ويا الادان
ده اللي كان
انتي فين ؟؟
والوقت
يدبح لهفتي بالانتظار
والليل بيخنق ف النهار
اخر شعاع
والصبر عاجز جنب مني
ب الندم والاعتذار
كان ساعتها الليل آتي
والضلمة حلت ع العيون
والقرار ...............
يااااااااااااااااااااااااه
اسف حبيبتي
الشبكة سقطت
ح ابقي احاول الاتصال
بقلمي ابراهيم الفيراوي
14اكتوبر 2016
ليست هناك تعليقات