بإختصار ؟؟؟

بقلم

عنتر ضيف

بإختصار ؟؟؟

* بقالنا فتره تعبانين : محناش قوى ولا مرتاحين *

* والحاله مش هيا الميه ميه ونفسياً مضغوطين *

* ممكن نكون محتاجين نبعد شويه ومكسوفين *

* البعاد ممكن يقرب البعيد ويداوى بين العاشقين *

بإختصار ؟؟؟

* قلت نبعد : ودلوقتى ... أحسن مانبعد مجروحين *

* هى قالت طب وماله وعادى : بس نبعد مرتاحين *

* والكلام يفضل مابينا ...... ومنكنش أبداً زعلانين *

* وتصبح وتمسى عليا وتروح وتيجى يانور العين *

* وتسأل عنى ليلاتى : وتكلمنى كل يوم لو كلمتين *

* وتطمنى عليك وتقوللى ..... جاى منين ورايح فين *

بإختصااااار؟؟؟

* فهمت إنها رافضه البعاد ..... بس محتاجه لكلمتين *

* محتاجه لتجديد المشاعر ..... اللى ماتت من سنين *

* محتاجه لكلمه بحبك ....... محتاجه لحضن الحنين *

* روحت فاتح حضنى ليها ..... وفى أقل من ثانيتين *

* معرفتش المحضون فينا مين ..... بس كنا مرتاحين *

* ونسينا قصه البعاد وتعبانين وزعلانين ومجروحين *

بإختصااااار؟؟؟

* راحه الست وتعابها .......... فى إيدك إنت وبكلمتين *

* بس المهم تبقى فاهم ......... تقولهم إمتى وفيييين *

( عنتر ضيف - المحله الكبرى - غربيه - مصر )