قصيدتى★ إنتى الأصيله

 الشاعر عنتر ضيف .... يكتب .......

★★★★ قصيدتى★ إنتى الأصيله ★★★★

رنيت عليها ... قالت : رانن عليا ليه

قلت عايزك ... قالت : عايز منى إيه

قلت اشوفك وحشتينى ... دى فيها إيه
واطمن عالعيال واشوفهم عاملين فى المدارس إيه
وروحت رايح : فتحت وقالت وبتريقه : يختى إيه
منتا باعد عنا من سنين وبايع : موحشتكش ليه
فاكرنى دكان بقاله ... وبمزاجك رايح جاى عليه
ولا خدامه لسعادتك .. ولا سيدى وابوس إيديه
ولا بسلامتك لسه ليك مال حدانا راجع تدور عليه
ولا العروسه الجديده بقيت معاها عالحديده ولا إيه
دا ابنك اللى قابلك عالسلالم معرفتوش يابييييييه
بعد الفراسه خاب م الدراسه وفى ورشه الشيخ وجيه
كل يوم يرجع مشحم قدام زمايله وليلاتى ببكى عليه
ولابنتك : اللى يترازل عليها .. لازم تتحمل بلاويه
غصب عنها زى اليتيمه ملهاش أب تتحدى الدنيا بيه
رميت عيالك : وجريت وراها وفوتنى من غير جنيه
فوتنى وانا وحدانيه .. محتاجه راجل أتسند عليه
يختى إيه : جاى ليه : إنت راجل: بجد راجل ولا إيه
بكيت وقولت : أيوه راجل بس الشيطان ضحك عليه
راجع ونادم وانتى الأصيله وكلك طيبه وهتسامحيه
ووعد منى أصونك والم عيالى والشيطان الله يجاذيه
الشيطان الله يجازيه ............. الشيطان الله يجازيه
★ عنتر ضيف - بطينه - المحله الكبرى - مصر ★