مفيش عنوان
فيصل بدر /يكتب...........
((( مفيش عنوان )))
**********
طويل ياليل
وأساك محوط ع الفؤاد
وغربتك صبغت بلاد
لا عاد ضياك بيهز دارى
والهجر فيك حطب لنارى
غاب النهار
زاد المرار
وتعبت من طول المشوار
انا فيك غريب
ماليش حبيب
والله ياليل
أمرك عجيب
وهشتكيك
انا الشاكى وانا المشكى
انا الحاكى وانا المحكى
وانا اللى الحزن بهضمنى
لما طفلتى تبكى
انا العنوان وانا المجهول
انا القاتل وانا المقتول
وانا اللى هعيش فى ألف نهار
مهما الليل فى قلبى يطول
انا السجان وانا المسجون
انا العاقل وانا المجنون
وهزرع بالامل بكره
عشان تفرح اهالى الكون
شاعر القريه
فيصل بدر
ليست هناك تعليقات