شموس جايه
بقلم
السيد ابو طاحون
شايف شموسك
جايه مش راحله
يا حبيبي لسه ف
اول الرحله
اليأس ليه
راكب على كتافك
وأنا حضني
مفتوح لك على آخره
بالباب انا واقف
ومن بدري
شايل ورود الدنيا
فوق ضهري
غير الورود
اللي جايه حواليه
والورد يتعجب
علي صبري
ياسمينه زحفت
حتى باب ودني
قالت الأميره
جايز تكون نايمه
*لميت حروف الجمال
والعشق شق الخيال
وقف لى قلبي وقال
موال يزلزل جبال
*مريت على العصفور
راكب جناح النور
دايما يعدي السور
و يستر المستور
شاورت ع الشباك
حبيبتي جوه هناك
نقر بدون ما تجور
أهمس وقول يا ملاك
إياك تفزعها
انده علي الكروان
أبو قلب كله حنان
صبح صباح النور
غني و متعها
*يا سكة العاشقين
يا مدوبه المساكين
ومعذبه الملايين
هوا حبيبي فين
قالي أزور الحسين
و اقرا سورة ياسين
و الفاتحة سمعها !
*آن الأوان يا ورد
ولا الطريق هيطول
و الفجر هده البرد
تاه منه حتي القول
آن الأوان يا ورد
يا أبو الشفايف شهد
نقفل بيبان الجزر
مدد يا بحر المد
امسح لها دموعها
* الهمزة هزت جناحها
رقصت ما بين الحروف
يا للي خطفتو فرحها
يا وجوه خاصمها الكسوف
النسمه صحصح صباحها
و فراشه صحيت تطوف
الهمزه هزمت جراحها
جايه الجناين صفوف
***********
ليست هناك تعليقات