ليالي ست الحسن

الشاعر طارق السيد / يكتب

.......

 
أنا وانت ياقلبى بقالنا سنين
فى طريق ماشيين بآهات وأنين
جايين شايلين أشواق وحنين
دايبين فى عيون ست الحلوين
ياغصن البان ياقمر لم بان
طل علينا بقالنا زمان
عايشين فى هوان وليالى حرمان
إعطفى وارحمى قلبى الولهان
ياست الحسن طريقك فين
أروحله إزاى وأجيله منين
حنى عليا ياضى عنيا
هواكى أسرنى ومش بإديا
ياللى خدودك لون تفاحه
ياام رموش سارحه ودباحه
راح أقولك كلمه بكل صراحه
عمرى ماشوفت فى بعدك راحه
يانجمه ونورها منور ليلى
إشهدى على حالى قوليلها تجيلى
قوليلها شربت كاسات من ويلى
قوليلها تميل على ميلة ميلى
قوليلها حياتى من غيرها عذاب
خليها ماتسد فى وشى الباب
لو بينى وبينها بحور أعديلها
بس إدعيلى ربى يعدلها
وألقى طريقى بنور قناديلها
ألقاها يانجمة مواربة الباب

................
بقلم طارق السيد