مصري دي جنسيه ولا حاله نفسيه

رحمه علي/تكتب.................

مصري دي جنسيه ولا حاله نفسيه

أستنه ما تكشرش مش ليقه عليك التكشيرة هو انت مبتهزرش لحد مصر مانقدرش

نقطه ومن أول السطر وتحت العنوان حت ميت خط

مصر بلد عظيمه ليها حضاره وتاريخ ميتقدرش تحس بالفخر لمجرد انك تقول اسمها تعشق ترابها تزعل منها بس لو حد زعلها تموت علشنها ماهي الوطن يعني الدفئ والحنان زي العيال في حضن امهم تقسي وتشد عليهم لكن بتحتويهم وتحبهم ، ماهي الي مجمعانا وتحت سماها وعلي أرضها لمانا ، عوزين ايه تاني غير حضنها ماهي شايله همنا ومشيلنا تقول تعليم وبطاله اقولك يعطيك الصحه تقولي تعبانه اقول الف سلامه ابقا تعالى تقولي مش فاضي اصلي واقف في طوابير مليانه كل واحد فيها حالتو حاله ، لما تخلص ابقا تعالي متنسناش هو انا فاكر غير يوم قبض المعاش اجيب بيه عيش للولاد ومالك ليه زعلان ابني الكبير مسافر وتعبان قولتلو خليك مرات ابوك عمرها ما هتكون احن من امك عليك مصدقنيش وقالي انا عاوز اطير فكر الحياه حلم وردي كبير وسرح وحلم وقال أه لو كنت بطير اه لو كنت بطير بالسما شايلني الهوا مش دايخ وراء لقمة العيش والدوا شايف الدنيا من غير أسوار عاليه عايش بأمان ولساني يدوق طعم الحلو وانسيه بقا طعم المر وقلبي مليان بالفرح وينسي الحزن والهم أعيش يابا حر مش خايف من قول الحق أمد أيدي ليكم وايديكم وتمدو أيديكم ليا علشان اوطي عليها وابوسها مش علشان حاجه تانيه

وفاق وعرف ان الغربه مره اه تعبانه بس اهي حضنانه ولمانه ، وبنتي قالتي يابا انا كبرت وعوزه اعيش الحلم عروسه بفستان ابيض وكوشه عوزه ابقا أم قولتلها يا بنتي خليكي جنبى بلا هم منين اجبلك جهازك و مين يقدر دلوقتي يفتح بيت دا الحمل تقيل مسمعتش كلامي واتجوزت اجار جديد وكترت المصريف ورجعتلي بحمل كبير والست ام العيال غلبانه مبين غربت ابنها وحصرتها على بنتها بتقول اااااه يانا سكر وضغط وتعبانه ودي حاله من حالات كتير بمصر

 تاهت الضحكه ويانا وتعب التعب مننا وبقينا مشغولين بهمنا فين ابن النكته والضحكه الحلوه وصباحك فل وقشطه ليه بقينا مكشرين وحداشر على وشنا رسمين وفي الدنيا تايهين علي لقمه العيش ساعين هو احنا عايشين ولا بنحاو نعيش ومش عارفين بس صبرين ورضين وحمدين رب العالمين ولسه بنقول دنيتنا جايه علينا بس الي خلقنا عمره ما نسينا وبكرا هتتعدل وتروق .

بقلمي : رحمه علي