في كلام .! بتقوله عنيك ومش بتقوله بلسانك لكن ردي
عادل علي/يكتب.................
في كلام .!
بتقوله عنيك
ومش بتقوله بلسانك
لكن ردي
ياعمري عليك
اضحي بعمري علشانك
ومين ليا في حياتي غيرك
وايه الدنيا من غيرك
دنا في همومها اتوه عنها
واحن لحضنك اشكيلك
انا إللى بعيش معاك همسك
واغير لو حد قال اسمك
كتير وبشوقى باوصفلك
باحلي نغم باغنيلك
وباللى فى قلبى بحكيلك
بغيب عنك وقلبي معاك
وحلم العمر اكون وياك
ومهما ابعد تاني باجيلك
في كلام .!
بتقوله عنيك
ومش بتقوله بلسانك
لكن ردي
ياعمري عليك
اضحي بعمري علشانك
ومتخبيش كلام عني
انا سكوتك بيوجعنى
ليه منك بتحرمنى
تعالى وقوللى طمنى
بلاش الصمت يحرمني
واحس انك غريب عنى
ده صوتك ياما فرحني
وقلبك عمره ما جرحني
ومتخبيش انا عارفك
كلامك حاسه بشفايفك
ومتطولش في سكوتك
انا عاشق نغم صوتك
ياعمري العمر هايفوتك
وأنا أملى أكون وياك
واعيش العمر كله معاك
ومهما بعدت هاستناك
في كلام ........!
.
.
.
.
.
بقلمى ------ عادل علي
ليست هناك تعليقات