ذكرى 25 يناير

 الشاعر الاستاذ ابراهيم بدر / يكتب ....

أعتذر عن بعض الألفاظ ولكنها الحقيقة #ذكرى_25_يناير

ثورة هيا ولا عورة
لأ أكيد دي كات مؤامرة
حبة حروف مليانة خوف
ودمائنا كات متبعترة
يا هل ترا....؟
مين بس هوا اللي استفاد
من شبابنا اللي أباد
دي كروش بتكبر
وحيتان وناس متنقورة
هي الحكاية في الأساس
الثورة بقيت مسخرة
حرية مين يا عمنا
دي كلمة جايبانة لورا
من كام سنة.....
عايشين على أمل الفرح
والحلم هوا اللي سرح
وجابلنا أوهام كتير
والقلب م الخوف انجرح
وبأعلى صوت .....
ناديت وجعت الحنجرة
على صم بكم ومكتومين
متكممين جوا السنين
يا عم يا بياع الخوف
الهم ساكن ف الظروف
بيهز في قلب الحروف
ولا الحكاية سمسرة ؟
وندهت في قلب السكون
كسرت في الخوف القانون
وعملت م العقل الجنون
بس الحكاية ف الأساس
كل الرجال م بقوش رجال
اتخن شنب.... على مرة

#Ibrahim