نسيت بعدك الحنيه
ابرام كمال/يكتب..............
نسيت بعدك الحنيه
حبيت اسلم عليك
قبل ماموت وماتشوفنيش
أصل كنت بحضن ايديك
وانت حبك مايساويش
ظلمت قلبي تاني
من غير اي سؤال
كبرت وعرفت تنساني
زي ياحبيبي ما تقال
خلاص رحت لنصيبك
وسبت قلبي اللي عايش بيك
طب مين كان زمان حبيبك
اللي كان هايموت عليك
خلاص سبت كده ايديا
بعد ما كنت بفكر فيك
ازاي اصبر دموع عينيا
وقلبي مش عارف ينسيك
ارجوك انت كده انساني
مش عايز اشوفك تاني
ده لما بشوفك قدامي
بلعن قلبك اللي رماني
بس حبيت اسلم عليك
عشان مالكش مكان
واسيب ايدي من ايدك
عشان حبك كان زمان
واقولك مش احبك بعديك
وقلبي بعدك يتسلم
ده لما كنت ملك ليك
خد دروس و اتعلم
ودروسك كانت ببلاش
علي ايديك قلبي مات
كانك حب لسه مجاش
او عده وراح وفات
خلاص انا بسلم عليك
عشان كنت زمن ليا
لو مره تاني بحن ليك
انا نسيت بعدك الحنيه
كلمات ابرام كمال
ليست هناك تعليقات