الخطر دق البيبان
طارق السيد/يكتب...................
الخطر دق البيبان
إسمعي يافلانة إسمع يافلان
سكوت وطرطأوا الودان
إفهموني أبوس إيديكو
الكلام دا مهم ليكو
قوموا وإصلبوا العيدان
الخطر دق البيبان
والديدان ويا الأفاعي
والكلاب ويا الغيلان
كله هاجم بإجتياح
بالفحيح أو بالنباح
بيقولولكم بإنفصالكم
عرضكم أصبح مباح
قولوا لأ وألف لأ
لأي تعبان جوه شق
إستضعفنا وجه علينا
دقوا راسه ياخلق دق
وإقطعوا ديل الكلاب
تربسولهم كل باب
وإهجموا على الغيلان
وإكسرولهم كل ناب
ودوسوا ع الديدان بسرعة
زاحفة حالفة ف مصر ترعى
إثبتولهم إن مصر
مستحيل ياخدوها مرعى
ياولاد مصر يلا بينا
نعادي بس إللي يعادينا
ومدوا إيدكم بالسلام
لأي إيد تتمد لينا
بقلم طارق السيد
ليست هناك تعليقات