ورد الحب
وحيد احمد/يكتب..................
ورد الحب
********
ورد الحب عمره مايدبل
تمللى مفتحه زهوره
لو الحنان عنه هجر
تلاقيه موجود فى جذوره
أصل الورد زى القمر
مايغبشى عنه نوره
لابيفارق ولا غاوى سفر
تمللى صانع لعطوره
حتى للحبيب فى بعاده
الحنان والشوق يزوره
يسامحه فى هجره وعناده
وعطر الورد له دوره
والورد يفضل صاحى
وحنانه لحبيبه دليله
مهما تزيد قسوته
تلاقى القلب يغنيله
لولا ورد الحب صاحى
ما كان الشوق يناديله
ياورد الحب يامعطر
القلب من جوه أركانه
ياورد الحب يا مأثر
ومزود فى القلب حنانه
سبحان اللى خلاك تقدر
تمحى من القلب أحزانه
وتغفر للحبيب ذنوبه
وتعلى الحسنات فى وجدانه
وقابل منه كل عيوبه
ودايما عاشق لأحضانه
ياورد الحب ياربانى
أنت للحب أيمانه
--------------------------------------------
وحيد احمد
ليست هناك تعليقات