مصر فين ..

 الشاعر معوض حلمي / يكتب 
____

مصر ساقية بتروي شهد
****

ياللي بتسألوا مصر فين ..؟
مصر نورها ف نن عيني
مصر لونها بلون حنيني
مصر شعب
بيدفي بعض ببعض ..
وبيحمي بعض بجد ..
شعب واحد مش شلل ..
وناس عويلة بوش عيرة
وفكر خايب ..
مصر شعب كله غيره
عايشين حبايب ..
ومصر بولادها
نسمة بتتعاجب
على خد ورد ..
مصر ساقية
بتروي شهد ..
مصر قارب
بيعدي بينا أي صعب ..
مصر قلب نبضه حب
مصر عهد
وضحكة ممكن تترسم
على أي خد ..
مصر وعد ونهر سعد ..
إسمه نيل سلسبيل ..
مايته تشفي العليل ..
والعويل لساه بيسأل
مصر فين ... ؟
مصر فين ... ؟
مصر صابرة بالأنين ...
على جور ولادها
الكدابين البايعين
النخاسين ..
مصر ساكتة لكن قلبها
بيبكي ب حنين ..
وعشان على عقلك
غباوة ..
وعلى عيونك غشاوة ..
لساك بتسأل مصر فين ..؟
مصر فين ... ؟
مصر أم وطيبة ..
مصر وردة منورة ..
واقفة
على سجادة الصلا ..
بتصلي لينا ركعتين ..
بتصلي لينا ركعتين .. 
...................
 بقلمي
معوض حلمي
منشأة بطاش
تمي الأمديد
دقهلية