((((((((((((( الليل )))))))))))))
إبراهيم الفيراوي/يكتب........
((((((((((((( الليل )))))))))))))
الليل ف شعر البنت بيغني خجل
ومن الخصل لحن ودلال
مين الى شارح القلب لسؤالها
وموالها لساه بيطرح
ف الطريق صوت الفرح
وميه الوضو
خمره لكل العاشقين لحظة صفا
لؤلؤ عيونها ف الخشوع وقت الصلاة
طريق لكل الشقاينين
وبين التعب وقلبي الى طب
ترفع رموشها وبين جفونها النعسانين
صفحة تاريخها
فوق الترع زغرد ربيعها
للورود الحزنانين
سفر الحياة للميتين الروح تعود
وللدبة بكعابها
بيجرى لعاب السكرانين
علي رن خلخالها
تضحك بنات خالها
تجري ف خيالها تسبقه
وتجر فيه يم اللقا
ل طريق
وكان المستحيل اقرب اليه
قلبي الي سافر ف المدي
وبيجري فيه
عاشق لااااااااااااااااااااااااااه
ف لحن الدلال
لما بتغني ف شعرها و تسرحه
النسمة اللي جاية تبعتره
وتلم بيه كل قلوب العاشقين
ف ياليل ياعين
عزفه سماوي
وكستنائي شعرها
اعشقه واصلي ليه
وانا قلبي نائي ف الصعيد
بعيد لطين السهرانين
ريحة الخضار
متشوقين طعم الحصاد
وصوت الاذان
ليست هناك تعليقات