مهمه رسميه

محمودصلاح السيد/يكتب.................

(((مهمه رسميه)))

عوج طربوشه على ناحيه 

ومنشي هدومه بالمكوه 

وفى أيده شايل منشه

وحاطط أيده على شنبه

وبرمه وشده بالفتله

وجاى فى مهمه رسميه

من زمن الباشوات والأفنديه

فرمان وصدر للبيه

يدور فى حاره شعبيه

على أم طرحه وجلابيه

عروسه لنفسه أبن الأيه

لبسه خلخال ولجمالها باليشمك مداريه

لما تطل على سهوه من المشرابيه

تختفى النسوه وماتشوف غير هى

جمالها يخطفك وتعجبك ضحكتها العاديه

سألت وقولت مين هى

قالولى الناس هى بهيه 

نظرتها تدوخ من الرجال ميه

أصيله وصعبة الملاغيه

والكل يشهدلها ولخصالها النديه

قولت أنا مش عايز غيرها هى 

أنا بدور عليها من الفجريه

أروح أجيب أهلى وحبيبى

علشان يخطبولى بهيه 

ويباركولى ويزغرتولى عشايه

كلمات /محمودصلاح السيدد3/1/2017