**قاتل ابوكي!!
رحاب مرجان /تكتب..................
**قاتل ابوكي!!
بلدي
يا بلوتي
يا مكتفاني بدمعتي
يا لوية ايدي بالجشع
طمعانة فيا
تكليني لحم
بس منين واللحمة غالي
والعيشة فيكي
يا اما ميت
يا اما ضايع في اي دهية
عاوزاني اهرج!!
وارقصلك زي الارجوز
والعب معاكي
ولو اعترضت ...
قفايا يتحني بكفوف ايديكي
ولو سكت ...تصرخي
وتقولي اني ارهابي مدسوس عليكي
لامتى بس هتظلميني؟؟
وكل م انوي ع السفر
في ترابك بتغربيني
والعيال ..ماتت الالعاب بخوفهم
انت طبعك ليه بيجلبلك مصايب
الاسم بيخافوا عليك
عاوزينك تنامي
عشان بالقانون ينهبوكي
ولما تصحي من نعاسك
تمسكيني
وتقولي اني اللي قاتل ابوكي!!
خربشاتي/رحاب مرجان
ليست هناك تعليقات