حقي عليك
الشاعر الراقى أحمد طلبه / يكتب
..............
أوعك تنكر مره. تقول
بيك قلبي مكنش مشغول
اسمع مني. حس بقلبي. اعرف قدر سهري وحبي
انا احساسي بيك ولوعدي
عمر ما كانو شيء مجهول
حقي عليك انك تسمعني. حقي عليك قبل ما هتبعني
===========
الف دليل عندي لأخلاصي
الف دليل يثبت احساسي
فاكر والا. انت بقيت ناسي
انت بقيت غير المعقول
حقي عليك انك تسمعني. حقي عليك قبل ما هتبعني
===========
اوعاك تنسي اللي عملتولك
والحلم اللي انا حققتولك
ولا عايز تفهم وتقدر
عايز بس تروح وتسبني
حقي عليك انك تسمعني. حقي عليك قبل ما هتبعني
===========
انا من خوفي عليك حذرتك
وبأيامي كتير قدرتك
ولا دا ذنبي عشان اخترتك
والأخر انت هتألمني
حقي عليك انك تسمعني. حقي عليك قبل ما هتألمني
===========
فوء من وهم مأثر فيك
فوء انا قلبي باقي عليك
اتغيرت وايه جرا فيك
عايز علي حظي تندمني
حقي عليك انك تسمعني. حقي عليك قبل ما هتبعني
===========
فين الحب ووعدك ليا
فين العشره والحنيه
عايز تجرح تقسا عليا
وكأنك كنت بتخدعني
حقي عليك انك تسمعني. حقي عليك قبل ما هتبعني
==========
روح ما خلاص انت اللي اخترت
ولا هيفدلي عتاب دلوقت
ماهو لو فعلا اتأثرت
كان لحظه انت تسمعني
حقي عليك انك تسمعني. حقي عليك قبل ما هتبعني
........
بقلم / الشاعر أحمد طلبه
ليست هناك تعليقات