ياعم يا سياسى
منير خاطر /يكتب.............
ياعم يا سياسى
كلامك وجع راسى
لابيكشف ولا يغطى
ولا جاى على مقاسى
يا عم يا دكتور
بنيت من عيانا قصور
حن بقى وارحم
خلى الطابق مستور
يا عم يا جزار
سعر اللحم شو صار
إلى زمان ماشفتا
ولا دخلى دار
ياعم يا تاجر
ليه الضمير نادر
نسألك مانلقى
وولادنا بتهاجر
ياعم يا موظف
إمتا بقى هتعرف
إن المال الحلال
يخلى الفقير أشرف
ياعم يا مرتشى
جمعت من كلشى
قوت الفقير فى جيوبك
إعقل بقى واختشى
ليست هناك تعليقات