قصيدتى يوم ما كتبتها

 الشاعر حسن بعيله/ يكتب

.........

 

قصيدتى يوم ما كتبتها شاخت
بانت عليها ملامح حزن
مكبوته
كان لازم احكي عن حاجات فاتت
كان لازم اكتب
عن حكايه جرح
ملتوته ...
الله يجازى الكلام
واللفظ ليه خانى
لو جيت اقولها
امين
ف تخونى تطلع
انين
وان جيت اقول
كانت حكايه عشقى من يومها
القانى باكتبها
خانت حكايه عشقى
والومها
ليه الوجع طاغى
على كل شيء فيا
حتى القصيده ابتدت
تكره تكون ليا ...
يا نيع الفاظ القصايد
شوف بقى
مش كل معنى ف قصيدتى
حتما يكون هيا .!!

...........
#حسن_بعيله