كل أما أشـــوفك فى السما
ناصر عبد المقصود/يكتب.............
كل أما أشـــوفك فى السما
مرســـومة فـوق خدّ القمر
أشعـــر ســـــاعتها بالهنا
وأنسى إنى أصلاً م البشر
معقـــــــــولة دى حبى أنا
د جمالها فوق حد البصر
الليل معـــــاها ليل جميل
وأتمنى يبقى الليل طويل
يا أم العيون ملهاش مثيل
وخدود بتضحك للبحـــــر
أجمل مــــا فيكى ضحكتك
أتمنى تفضـــــــل فرحتك
زى المــلايكة فى بسمتك
من غيرك أنت ماليش أثر
يا أم العيون المغـــــــرمة
النظــــــــــرة منك ملحمة
تفضل فى عينى مية سنة
ولا عمـرى أشبع م النظر
أنا حبى ليك ملوش حدود
حاسس فى حبك بالوجــود
لو غبتى عنى فى يوم أموت
يرضيكِ أعيش من غير قمر
الشاعر / ناصر عبد المقصود
ليست هناك تعليقات