ع الهامش

الشاعر المبدع ماهرالبساطي/يكتب..

" ع الهامش "

..................

مش شيفاني يادنيا

ولا حاسه بيا خالص

بين الآلم والوجع أنا

ولا حد بيا حاسس..

    ماشي لوحدي..

لا صاحب.. ولا حبيب

  دا ذنب أنا عملته

   قدر ولا نصيب..

ولو في وسط الناس عايش

يشوفوني كآني جسد هايش

   مجرد حلم مش بتحقق

   آنا ع الهامش بس كلام..

ماشي في دنيا والحمل تقيل

والضهر إنحني والوضع خطير

    لا جاه ولا مال يسندني

       بس ليا رب كريم..

تايهه الآماني بين الدروب

  حاير الود بين القلوب

   شاري منهم عطفهم

وكآني بينهم مش موجود..

دمع العين مني اشتكي

شكي للقلب وكمان بكي

 رد القلب آنا مين وليه

  بالعذاب آنا موعود..

    ،،ماهر البساطي،،