لى هامش ((( عبعال ابن نوال )))

الشاعر فيصل بدر / يكتب
*****

 النبى مشتاقه لحواديتك
يا ابن شاهين
من صُغرك وانته مسهرنى
ومحيرنى ومبَكى العين
النبى لو با اعرف اسجِّل وحدى
لا اعمل فى اليوم شريطين
مختار ومنال باعتين سلامين
مشتاقه اخدك يا ابنى فى حضنى
ها ترُد العقل فى راسى
وهيرجَع تانى النور للعين
النبى حاسه يا واد لما تعاود
نظرى كمان هيعاود
والضهر كمان يتشد
وساعتها الدنيا ما تقدرلى
والعُمر كمان يتمد
النبى خايفه
العِند يكابر فى دماغك
وساعتها القلب كمان يتهد
شاعر القريه

،،،،،،،،،،
فيصل بدر