الاماني
الشاعرةالمبدعة منى فهمي/تكتب....
**الاماني**
انا الى واقفة بعيد هناك
مشتاقه ب لهفه وب ستناك
بلم ف زعلى من المي
ومن همي انكسر قلمي
واقول امتي بقي تجيني
تطل بنظره تحييني
ويتبدل ضلامي بنور
وبتمني مع الانفاس
اعيش زي كل الناس
واطير بالبسمه زي عصفور
وبحلم امتي ياسنيني
تحلي المره تصفي لي
وبالامال تمنيني
وتحكيلي
ليه الشكوه مكتومة
وحتى الضحكة مهمومة
وليه ف القسمة مظلومة
وتعبت انا م الوقفة هناك
سكت غرقت ف بكايا
يصرخ انيني ف دمايا
خلاص ياهم كده كفايه
عدت سنيني ف الاوهام
ولو هعيش مع الاحلام
هدفن املي جوايا
واحيا بس ب حنيني
وابكي ب حرقه ع الايام
وبرضه هفضل اتمني
واحلم واحن واستني
ف لحظه تجيني
تحييني
وتمحي مني الاحزان
#قلم_ينزف_انين
#بقلمي_مني_فهمي
ليست هناك تعليقات