وعدالتلج

الشاعرالمبدع علاءالغريب/يكتب...

{ وعد التلج }

خاطرة مكتوبة بالعامية 

~~~~~~~~~~~~~

وحياتك يا تلج

جاي أغلا حبابي

لا يغفى بـ دفى عيوني

ويدوب متل الكحل بـ جفوني

متل بنات الداليي

لـ دايبي بـ عتمة خوابي

متل حروف العشق لـ مخبايي

وبانيي بيوت الشعر بكتابي 

لا تجي من ورا

حفاف الدني  

مع خيول الريح 

الفلتاني من حبال السما

صايبها العمى

مجرجري خلفها الغيمات

وما في حدا قادر يلجما

عـ بتاكل جوع المسافات

ورافعة سيوف البرق

ومتليي الدني لمعات

ونازلي بـ هلليل تجريح

صارت راسمي عـ وجّو 

شي ألف زيح

وتدقدق بـ طبول الرعض 

حاملي تلال من البردات

وعاطيي لا السما وعد 

تكسّر بوابي

..... دخلك يا تلج 

إذا جيت

لا تغفى على عتابي

غفيات الدهر

ولا تكون متل قناني الخمر

بعد جنون السكرات

تاكيي وملقحة على جنابي  

ولا تزين أبوابي

وتسكّر الطرقات

..... دخلك يا تلج 

تركني متل الشمع

ابكي دمع 

ودوب عـ صدرو

تركني كون

يوم بـ السني 

حكاية ملوني  بـ عمرو

تركني كون

نشوة خمر 

أسكر بـ خمرو

تركني وغيب لنّو نهار 

تركني كون  

بليلة شتي ..... زنار

وأغمرو 

متل غمرة الجمر للنار

ودوّب نار خمرة شفافي 

عـ شفاف جمرو

علاء الغريب / كاتب صحفي