فرق كبير
طه إبراهيم /يكتب............
فرق كبير
@@@@@@@@
قولي يا باشا قولي يا بيه
قولي هنفرق عنك إيه
انت فلوسك ملو جيوبك
واحنا مفيش ف جيوبنا جنيه
انت تعوز الحظ يجيلك
مره تشيله ومره يشيلك
واحنا نلف الارض عليه
حتي السكر مش لاقينه
وانت تشيل الطن تعينه
والغلبان يا خساره عليه
انت بتشرب قهوه زياده
واحنا الميه تكون ع الساده
حتي الميه السخنه إفاده
لو يشربها عليل تشفيه
انت بتاكل لحمه وفته
والغلبان كان نفسه ف حته
حتي إن شافها يخبي عينيه
انت بتلعب بالملاييين
والغلبان مكسور وحزين
حتي الكل بيجي عليه
احنا بنتعب ف الطوابير
وانت بتدخل جوه أمير
اطلب أي مدير تلاقيه
احنا بنجري ورا الاتوبيس
وانت بتتفسح ف باريس
والخُدام حوالين رجليه
انت الجاه والمال والمنصب
وانت اللي بتكتب وبتحسب
واحنا اخرنا معاه كارنيه
احنا اخرنا صابونه وليفه
وانت بتسكن فيلا ظريفه
واما تصيف يبقي شاليه
انت معشش ف التكييف
واحنا البرد وحر الصيف
والغلبان مين يسأل فيه
شوفت ازاي يا سعادة البيه
شوفت الفرق كبير ازاي
حتي الميه وطعم الشاي
ايوه بجد الفرق كتير
انت طلعت يا باشا أمير
واحنا تعبنا من المشاوير
أيوه الفرق مابنا كبير
@@@@@@@
بقلم ///////// طه إبراهيم
ليست هناك تعليقات