تخاريف

الشاعره أمل رفعت /تكتب

تخاريف

قلبي اتقسم نصين

نص اتحرم منك

ونص شال اسمك

وروحي بتنزف دم

امشي في ليل املك

من غير مخاف منك

ولا يوم يتوه رسمك

ودموعي سيل العرم

في يوم قولت يا ناس

انا قلبي فيه إحساس

وضروري مهما اتحاش

صوتي يقول الحق

جري ورايا وابور

يلف بعينه ويدور

والنيني جنونه برق

شرارة م التنين

تايهة شمال ويمين

ولا مرة قلبها رق

بتلملم الوحشين

عايشين ومش عايشين

صوتهم علا بالحق

يا خواتي اروح لمين

قلمي اشتكى مني

حطيت أيدي الاتنين

ودماغي كمان في الشق

امل رفعت25/1/2017