بحبك يامصر
الشاعر منير خاطر //يكتب
بحبك يا مصر
بحب مساكى وصباحك
بحبك وافرح لأفراحك
واقول لكل البشر عنك
أقسم برب الكون بحبك
على منتى وعلى حالك
بمشاكلك وكل أحوالك
بطينك ورملة الصحرا
ونظره فى العيون ساحره
بحب شمسك الدافيه
طالعه بتديلك العافيه
تصبح ع الوشوش السمر
عشانك يمشوا فوق الجمر
بحب حتى طابور الفرن
ونومتى ع التراب فى الجرن
ومهما يحاولوا يغرونى
حبك فقلبى وعيونى
بحبك لما بتمسحى دمعى
وتقيدى فى الضلام شمعى
بحبك لما بتغسلى وشى
وتاخدينى معاكى ونمشى
واشيل عشانك فوق طاقتى
واشوفك مزينا بطاقتى
ومهما تكون الموجه عاليه
أنا روحى فداكى يا غاليه
فقير لكن غنى بيكى
وضهرى ما ينحنى فيكى
يا مصر يا حلوه ياحوريه
بهتف بكل حريه
وازعق واقول أنا مصرى
ودمك فى العروق يسرى
منير خاطر
ليست هناك تعليقات