كلمات
الشاعر صلاح الطوخي / يكتب
لما تدق علي الكلمات
دق بحنيه
واقعد واسمع
لوبتحب المغني
يبقي اكيد صدقني
هتسمع اجمل اغنيه
لو عاطفيه ..
يبقي هتسمع
لحن حليم
لو بتحب الشعبي
يبقي هنجبلك
عدويه
لو بتحب الشعر
انكش شعرك
والبس فوق الچاكت
احلي كوفيه
وبلاش تزوم
كل شويه
يابني كلام الشعر
جميل صدقني
ولا عمرو كان
بالعمرفي يوم
ولا بالسن
لو غاوي المعني يبقي
اتخيل أنك قاعد
جوه الداهر
ف الجماليه
او علي قهوه
ف باب الخلق
او الحسنيه
الشعر خلاص مبقاش
بالسن صحصح افهم
وان الكلمه ملهاش عمر
هتطلع حلوه
اصل الشعر
احساس مع فن
ولومزيكا هتسمع
ناي
ومتقوليش بس ازاي
اصل الاحساس
انك تتخيل
عيش اللحظه
عيش الكلمه ونركز فيها
وصدقني هتلمح
كل جميل
يتغزل فيها
عيشلك قصه مع الاغنيه
ولا المعني الثابت عندك
ان الشعر خلاص رح زمنو
لأ صدقني
والكلمه الحلوه
هتسمعها
بس النص تايه
متحير مابين الضلمه
وبين النور
وساعات بيخاف
بجد دا يطلع
احسن ممكن مايتقدر
ولما تدق علي الكلمات
رح نفتحلك رح نسمحلك
تبحر فيها وكمان
رح تعرف معانيها
رح تقعد وما تتحرك
رح تسمع للكمله اصول
رح تشرب كاس
من حلم
ولا عمرك تصبح مسطول
لما تدق علي الكلمات
كلمان...... صلاح الطوخي
ليست هناك تعليقات