نقطة ضعفي

الشاعر وحيد احمد/يكتب

ة ضعفى

----------

نقطة ضعفى------- ياهوى------ أنى محتاجلك 

لو غبت عنى------ تلاقينى--- فى لحظه أندهلك

وأنسى اللى راح --- وأنسي الجراح-- وأرجعلك

وأشوف البراح----وياه سماح ------- وأسامحك

وياهوى لو عاصى --- ومنك بقاسى --- أتحملك

وأشوف أخلاصى--فى قلبى راسى ----- وأحنلك

وتلاقينى ناسى --- كل المأسى -------ورجعتلك

والحب يجبر---- قلبى مايغدر-- وتلاقينى رحتلك

من غير ما أفكر---- عندك أحضر ----وأحضنك

ويادوب من لمسه-----تلاقينى أنسى -----قسوتك

وأرجع فى لحظه---- قلب برئ- --غاوى أسعدك

والفرحه حلوه ----أشوفها غنوه-----فى ضحكتك

والاقى صفوه -- تولد صحوه----- أشوف رقتك

وأصلك حنين --- مهما تبين---- ياهوى قسوتك

ما أقدرش أتوه ----ولاخطوتى تبعد --عن سكتك

قلبى شغوف مجنون ملهوف

تمللى عاشق صحبتك

وأنت هوى تمللى مطلوب 

لو حتى غيروا نسمتك

وأنا غاوى كل الحكاوى 

اللى تيجى من حضرتك

وحتى لو نفضل فى صراع 

أنا وأنت فى دنيتك

هتفضل لقلبى دوا ومداوى 

وغاوى عشرتك

لحد ما أقولك الوداع -- وأتمنى تانى مقابلتك

--------------------------------------------

وحيد أحمد