أمي
الشاعر السيد علي الشريف
أمي حضن يخاف يضم
جوه أمي ألف أم
أمي وقت الحر نسمة
أمي فرحة وقت هم
ساقية لما الأرض تعطش
تستحي منها الشقوق
أمي لما اعطش لحب
استحي من غيرها ادوق
لما بتعب هي راحتي
أمي ف الدوشة هدوء
أمي لما يجف نهري
دمعها يجريلي نيل
عين تناملي وقت سهري
أمي ف التوهة دليل
وف عنيها شفت نَفسي
وف عنيا أشيلها نِفسي
وف نهاري هي شمسي
بدر طالع كل ليل
نجمة تهديلي الطريق
حتة منها وكلي ليها
واما اكون لحظة ف ضيق
السعادة من عنيها
#الشريف
ليست هناك تعليقات