كلمة أم
الشاعر نبيل محمد أمين //يكتب
قصيدة بعنوان
معنى ( كلمه ام )
كتبت باللغه العاميه
--------------------------
--------------------------
كلمه ام بتعنى ايه
كلمه ام حاجه كبيره
للاولاد بتكون اسيره
ضابط كأنه ف دوريه
يتعمل له احلا تشريفه
لابنها ف الخير تدله
تزعل من اى شئ يذله
ولا يهدا بالها
إلا ان شالت م الابن همه
لبنتها افضل حكيمه
للنصيحه ديما كريمه
من وهى بنوته صغنتته
لحد م تبقى اجمل عروسه
وقت التعب تعمل طبيبه
لا تقول عبده باشا ولا يعقوب
تراجع دروس احسن استاذه
ولا جوده السعدنى ساعه الهروب
مابنشوفش منها غير البسمه
والكلام طالع بحسنه
حتا ان قالت كلمه خارجه
تلاقيها تتطلع بحشمه
ف عيشه البيت ديما حويطه
لمستقبل عيالها اجمل خريطه
تحسبها ديما بالنقطه
ما يفوتها ابدا ولا لقطه
ليها حق لازم نقولوه
ابويا كان يرمى حمولوه
وقت الضيف تفرح بوجوده
بأفضل شئ تقدمه له وتجوده
رمز عفاف وطهاره ورقه
اجمل مخلوق جوا الشقه
فى العطاء فعلا اسطوره
راضيه بحالها وصبوره
بقلم /
الشاعر نبيل محمد أمين
ليست هناك تعليقات